मनस्थिती बदला    ::   निरोगी व्हा

                   🌸 राॅक वाॅटर

     या औषधाचे वेगळेपण म्हणजे  फुलाऐवजी पाण्यापासून बनवले जाते.वेल्समधील निर्झराच्या ,खडकावरून वाहणार्या नैसर्गिक पाण्यापासून बनवले जाते.
जसे खडक अभेद्य,कठीण असतो पण पाण्याची संततधार त्यावर पडली की तो नरम होतो तसेच पाषाणह्रदयी ,कठोर मनोवृत्तीच्या लोकांना हे औषध देत राहीले की त्यांच्यातही नरमाई येते.
       आपल्या आजूबाजूला आपण असे अनेक लोक पाहातो की, स्वतःची मूल्ये ,टोकाचा आदर्शवाद ,सिद्धांत वाद यामुळे या लोकांचा स्वभाव खूप कठोर झालेला असतो. स्वतःच्या तत्वाला ते अजिबातच मुरड घालायला तयार नसतात.सतत स्वतःच्या मनाला मारून शिस्तप्रीयतेत जगतात.पण त्यांच्या अशा एकांगी वागण्याने ते जीवनाचा खरा आनंद घेऊ शकत नाही  आजूबाजूच्या लोकांनाही घेऊ देत नाही .यांना asthama, muscle stiffness, poriasis यासारखे आजार होऊ शकतात.
 राॅक वाॅटर दिल्याने यांच्या पाषाणह्यदयात   परिवर्तन होऊन , स्वभावात नरमाई येते.अतिटोकाचे आदर्शवादी जीवन टाळून   पाण्याप्रमाणे प्रवाही आणि सहज जीवन होते.

मनस्थिती बदला  :: निरोगी व्हा
           
             🌸   राॅक रोज

मनाचा थरकाप होणारी भीती, अचानक झालेल्या आघातामुळे वाटणारी भीती, एखादा अपघात प्रत्यक्ष बघणे, जवळच्या व्यक्तीच्या मृत्यूची बातमी ऐकणे यामुळे पोटात भीतीचा गोळा उठतो , हृदय बंद पडणार आहे असे वाटते . तसेच अचानक उद्भवणाऱ्या जीवघेणा आजार या सर्वांमुळे रक्त गोठवून टाकणारी भीती वाटते .मन सतत भीतीच्या सावटाखाली वावरल्या सारखे वाटते. या प्रकारच्या भीतीतून सावरण्यासाठी रॉकरोज चांगलं काम करतं. तसेच रात्री झोपेत किंचाळणार्या  मुलांना ही हे औषध घेता येते.
           मिम्युलस  हे पुष्पौषधी ही भीती साठी आहे. पण रॉक  रोजची भीती त्याच्या कितीतरी अधिक पटीने असते गंभीर स्वरूपाची असते.

मनस्थिती बदला :: निरोगी व्हा

                🌸  25 .रेड चेस्टनट
   

           काही जणांचा स्वभाव खूप काळजी करण्याचा असतो.ते सतत कुणाची ना कुणाची काळजी करत असतात.अगदी छोट्या छोट्या गोष्टींची काळजी करत बसतात.कुणी जवळचे नातेवाईक  हाॅस्पिटल ला अॅडमिट असेल,घरचे कुणी आजारी असेल तर काळजीने  यांनाच आजारपण येते.  अशा प्रसंगी काळजी करण्यापेक्षा काळजी घेणे आवश्यक असते. 'रेडचेस्टनट 'हे पुष्पौषध अशा व्यक्तींना दिल्यावर त्या काळजीला सकारात्मक स्वरूप येऊन कठीण प्रसंगी हतबल न होता सर्वांना धीर देतील आणि खर्या अर्थाने  समोरच्याची काळजी घेतील.
           माझ्या एक पेशंट आहेत.त्यांचा इतका काळजी करण्याचा स्वभाव आहे की,त्यांची मुलगी काॅलेजसाठी घरातून निघून पुन्हा घरी येईपर्यंत  त्या काळजी करत राहतात.सतत त्यांच्या फोन ने मुलगी ही वैतागली होती.अर्थात त्यामागे काही वर्षापुर्वी झालेला मुलाचा अपघाती मृत्यू हे ही कारण आहे .त्यांना रेडचेस्ट बरोबर हनीसकल (भुतकाळातील आघातासाठी)गाॅर्स (निराशेसाठी)हे तीन महिने दिले.आता त्या निश्चिंत होऊन मुलीला काॅलेजला जाऊ देतात.

मनस्थिती बदला :: निरोगी व्हा

        🌸26.पाईन (pine)

    काही व्यक्ती  नेहमी स्वतःला दोषी  ठरवत असतात।घरात ,ऑफीसात काहीही वाईट घडले,चुकीचे घडले तरी यांना  वाटत असते की माझ्या चुकीमुळे  घडले.सतत अपराधीपणाच्या ओझ्याखाली वावरत असतात.स्वतःला नको इतका दोष देत असतात.या व्यक्तींच्या स्वतःच्या कर्तव्या बद्दलच्या अपेक्षा  जास्तच असतात.ही लोक पापभिरू,प्रामाणिक असतात.सहसा अधार्मिक  कृत्य ,चोरी,भ्रष्टाचार  अशी कृत्य घडत नाहीत.पापपुण्याच्या अवास्तव कल्पना असतात.त्यांची ईश्वरभक्तीही अपराधीपणातून आलेली असते.
         या अपराधी पणामुळे जगण्यातला निखळ  आनंद  हिरावून बसतात.मुक्तपणे जगता येत नाही.अशा व्यक्तींसाठी पाईन हे अतिशय उपयुक्त औषध आहे.

       (डाॅ. योगिता दुसाने..पुणे)

मनस्थिती बदला::निरोगी व्हा

        🌸 23.ऑलिव्ह (Olive)

      बराच काळ  सातत्यानं काम केल्यावर शरीर आणि मन दोन्हीही थकते.प्रतिकूल परिस्थीती,दीर्घकालीन  आजाराशी मुकाबला करत असताना शरीराची आणि मनाची शक्ती क्षीण होते.काही करावेसे वाटत नाही.अशा वेळी ऑलिव्ह हे औषध नवसंजीवनी  देणारे ठरते.
      काही व्यक्तींवर जबाबदार्या इतक्या असतात की, त्या ओझ्याखाली  ते दबून जातात.विश्रांती आणि मनोरंजनासाठी वेळच नसतो,शरीराची आणि मनाची झालेली झीज भरून निघण्याआधीच नविन जबाबदारी येते.काही दिवसानंतर हे ओझे असह्य होते .हाती घेतलेले काम अर्धवट  सोडावे लागते.
        तसेच जिथे जिथे शारिरीक  ताकद जास्त वापरायला हवी अशा सर्व  ठिकाणी कामाला सुरूवात करण्यापुर्वी 'ऑलिव्ह 'हे औषध वापरावे.उदा.शर्यतीत धावणार्यांसाठी,गिर्यारोहकांसाठी,वेटलिफ्टर साठी,खुप वेळ  डोळ्याचे काम करणार्यांसाठी .एकाच प्रकारची तीच  ती कामे करून शरीर व मन थकते.यांना जरूर वापरून पहा.कार्यक्षमतेत नक्की वाढ झालेली दिसेल
       मुलांमध्ये पेपर लिहीताना किंवा वहीत आधी सुंदर अक्षर असते नंतर गिचमीड होत असेल,थोड्याशा अभ्यासाने मुले थकत असतील, खेळल्यावर हात पाय दुखत असतील तर ऑलिव्ह जरूर वापरून पहा.

मनस्थिती  बदला::निरोगी व्हा

             🌸  ओक (OAK)

         'अशक्य'हा शब्दच ज्यांच्या शब्दकोशात नसतो,अशा व्यक्तींना कधीकधी क्षणिक हताशपणा येतो त्यासाठी हे खूप छान औषध आहे.
        'ओक' टाईपच्या व्यक्तीजीवनातील अडीअडचणींचा सातत्याने मुकाबला करतात.'प्रयत्न ','आणखी प्रयत्न'हे जणू त्यांचे ब्रीदवाक्यच असते.दुर्दम्य आशावादानं झपाटलेले असतात.अनेकांना आधार देतात.
        पण माणसाच्या प्रयत्नांना ही काही मर्यादा  असतात. शरीर आणि मन यांना किती ओझे लादायचे याला काही सीमा असते.हेच या व्यक्तीना कळत नाही.अनेकदा  तब्येतीकडे दुर्लक्ष  करून ते कामे करत असतात.स्वतःच्या मर्यादा न ओळखून ते प्रयत्न करत राहतात.त्या कार्यात अडचणी आल्यास अशा आशावादी  माणसांचे मन काहीवेळा  ढासळते.आणि सरतेशेवटी कोसळून जाते.
        अशा वेळी  'ओक' हे औषध द्यावे.

मनस्थाती बदला::निरोगी व्हा

                  🌸21.मस्टर्ड (Mustard)

      कोठून येते मला कळेना उदासीनता ही ह्रदयाला
काय बोचते ते समजेना ह्रदयाच्या अंतःह्रदयाला।
      असं काहीतरी अचानक वाटू लागणं हे मस्टर्ड  चे लक्षण आहे. काहीच करू नये असे वाटते.कुठेच मन लागत नाही.मनावर कसले तरी दडपण जाणवते..
जीवन झाकोळून  टाकणारा,मनाला व्यापून टाकणारा निराशामय उदासपणा.या उदासपणाचे कारण स्वतःलाही सांगता येत नाही चाळीस ..पंचेचाळीस  वयाच्या अनेक स्रीया आपल्याला दिसतात की त्यांना कुठेच काही कमी नसते,तरीही मनाला निराशा आलेली असते.त्यामुळे सर्व असूनही त्या त्याचा सुखोपभोग घेऊ शकत नाही.हे निराशेचे ढग मस्टर्ड  या औषधाने दूर केले की त्या पुर्वीसारखेच आनंदित होऊ शकतात.
              मस्टर्ड  ची निराशा ही कारण नसताना आलेली असते.आधी आपण पाहिलेले जेंटीयन आणि गाॅर्स हे औषधही निराशेचेच आहेत पण ती निराशा कारणासहीत असते.
         पौगंडावस्थेत जाताना काही मुलांना,मेनोपाॅझ च्या वेळी काही स्रीयांना ही निराशा येऊ शकते.
 या अकारण येणार्या  निराशेसाठी मस्टर्ड  हे औषध जरूर देऊन पहावे.