मनस्थिती बदला  ::  निरोगी व्हा

             🌸 10. क्रॅब अॅपल

कधी कधी आपल्या स्वभावातील एखादा दोष आपल्याला अजिबात आवडत नाही.आपली आपल्यालाच किळस वाटत राहते.कधी आपण आपल्या स्वभावा विरूद्ध एखादे वाईट भाष्य किंवा कृती करून जातो ,त्यामुळे  मनात नसतानाही दुसरा माणूस दुःखी होतो आणि मग आपण असे का बोललो हा विचार मनात काट्यासारखा सलत राहतो.मन अशांत होते .अशा वेळी  क्रॅब अॅपल ची गरज असते
          कधी कधी इसब ,नायटा ,एखादा  त्वचारोग स्वतःला अथवा इतरांना  झाल्यास त्याची किळस वाटू लागते.
एखादी गृहीणी स्वच्छतेच्या विचारांनी इतकी पछाडलेली असते की धूळ ,कचरा,घाण ,अस्वच्छता  ,दुर्गंधी पाहीली की यांचे मनस्वास्थ्य नष्ट होते.
अशांसाठी हे पुष्पौषध उपयोगी आहे.